হেৰাই গ’ল সেই হাতখন
হেৰাই গ’ল
মোক ধৰি ৰখা সেই হাতখন।
কৰবাত, কেতিয়াবা,
চকুৰ অলক্ষ্যত হেৰাই গ’ল।
মুঠিটো মই ঢিলা কৰি দিলোঁনে?
নে তুমি?
নে সময়ৰ সোঁতজাকে
বিনাবুজাই খুলিলে আমাৰ সংযোগৰ গাঁথনি?
বুজি নাপালোঁ !
এতিয়াও মই ভিৰৰ মাজত চকু মেলি
তোমাৰ সেই হাতখন বিচাৰি ফুৰো,
যি কেতিয়াবা মোৰ আছিল।
যদিও জানো,
এতিয়া সেয়া কেৱল এটি ভ্ৰম।
স্মৃতিৰ মাজত থকা এবিধ নীৰৱ অভিমান।
Comments
Post a Comment